” ਬਹੁਤ ਹੋ ਗਿਆ “

(ਸਮਾਜ ਵੀਕਲੀ)

ਬਹੁਤ ਹੋ ਗਿਆ ਬੱਸ ਕਰ ਜਾਈਏ।
ਆ ਜਾ ਘੁੱਟ ਕੇ ਜੱਫੀਆਂ ਪਾਈਏ।

ਨਰਾਜ਼ਗੀ ਵਿੱਚ ਕੁੱਝ ਨਹੀਂ ਰੱਖਿਆ,
ਇਕ ਦੂਜੇ ਨਾਲ ਪ੍ਰੇਮ ਵਧਾਈਏ।

ਦੋਵਾਂ ਅਸੀਂ ਏਥੇ ਹੀ ਰਹਿਣਾ,
ਕਿਉਂ ਨਾ ਆਪਾਂ ਲੁੱਡੀਆਂ ਪਾਈਏ।

ਤੂੰ ਤੂੰ ਮੈਂ ਮੈਂ ਛੱਡੀਏ ਆਪਾਂ,
ਆ ਜਾ ਅੱਜ ਇਹ ਕਸਮਾਂ ਖਾਈਏ।

ਦਰਦ ਤੈਨੂੰ ਹੋਵੇ ਮੇਰੀ ਚੋਟ ਦੀ,
ਦੋ ਜਿਸਮ ਇਕ ਜਾਨ ਬਣ ਜਾਈਏ।

ਪਹਿਲਾਂ ਸਾਡਾ ਪਿਆਰ ਸੀ ਜਿੰਨ੍ਹਾਂ,
ਆ ਉਹ ਵੇਲਾ ਫਿਰ ਲੈ ਆਈਏ।

ਤਰ੍ਹਾਂ ਤਰ੍ਹਾਂ ਦੀਆਂ ਗੱਲਾਂ ਵਾਲੇ,
ਲੋਕਾਂ ਦੇ ਮੂੰਹ ਬੰਦ ਕਰਾਈਏ।

ਰਲ ਕੇ ਦੋਵੇਂ ਚੱਲੀਏ “ਭਕਨਾਂ”,
ਇਮਾਨਦਾਰੀ ਨਾਲ ਵਾਅਦਾ ਨਿਭਾਈਏ।

ਰਾਜਿੰਦਰ ਸਿੰਘ “ਭਕਨਾਂ”,ਅੰਮ੍ਰਿਤਸਰ।

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly