ਸਾਡੇ ਕਿਸਾਨੀ ਦੇ ਕਿੱਤੇ ਵਿੱਚ ਇੱਕ ਗੱਲ ਬਹੁਤ ਵੇਖਣ ਨੂੰ ਮਿਲਦੀ ਹੈ ਕਿ ਹਰ ਇੱਕ ਕਿਸਾਨ ਨੂੰ ਜੱਟ ਜਾਤ ਨਾਲ ਜੋੜ ਦਿੱਤਾ ਜਾਂਦਾ ਹੈ । ਕੀ ਜੱਟ ਹੀ ਹਨ ਜੋ ਪੰਜਾਬ ਅਤੇ ਹੋਰ ਸੂਬਿਆਂ ਵਿੱਚ ਕਿਸਾਨੀ ਕਰਦੇ ਹਨ , ਇੱਕ ਕੇਵਲ ਜੱਟ ਜਾਤ ਹੀ ਹੈ ਜਿਨ੍ਹਾਂ ਦੇ ਸਿਰ ਤੇ ਸਾਰਾ ਦੇਸ਼ ਰੋਟੀ ਖਾਂਦਾ ਹੈ , ਹੋਰ ਕੋਈ ਜਾਤ ਕਿਸਾਨੀ ਦੇ ਧੰਦੇ ਨੂੰ ਨਹੀਂ ਕਰ ਸਕਦੀ , ਕਿਉਕਿ ਕਿਸਾਨੀ ਬਹੁਤ ਔਖੀ ਹੈ ਜੋ ਕੇਵਲ ਜੱਟਾਂ ਦੇ ਹੀ ਵਸ ਵਿੱਚ ਹੈ ( ਕਿ ਸੱਚਮੁੱਚ ਕਿਸਾਨੀ ਇੰਨੀ ਔਖੀ ਹੈ ਕਿ ਜੱਟ ਕਿਸਾਨ ਤੋਂ ਇਲਾਵਾਂ ਕੋਈ ਹੋਰ ਕਿਸਾਨ ਕਿਸਾਨੀ ਨਹੀਂ ਕਰ ਸਕਦਾ ) ।
ਇੱਕ ਗੱਲ ਹੋਰ ਵੇਖਣ ਨੂੰ ਮਿਲਦੀ ਹੈ ਕਿ ਪੰਜਾਬ ਦੇ ਸੂਬੇ ਵਿੱਚ ਹੁਣ ਤੱਕ ਜਿੰਨੇ ਵੀ ਗੀਤਕਾਰ ਅਤੇ ਸੰਗੀਤਕਾਰ ਨੇ ਗੀਤ ਗਾਏ ਹਨ , ਤਾਂ ਉਹ ਗੀਤ ਕੇਵਲ ਜੱਟਾਂ ਨੂੰ ਹੀ ਕਿਸਾਨ ਅਤੇ ਅੰਨ ਦਾਤਾ ਦੱਸਦੇ ਹਨ । ਜਿਸ ਕਾਰਨਾ ਕਰਕੇ ਕਈ ਬਾਰ ਇਹ ਗੀਤ ਲੜ੍ਹਾਈ ਅਤੇ ਰਾਜਨੀਤਕ ਰਾਹ ਫੜ੍ਹ ਸੋਸ਼ਲ ਮੀਡੀਆ ਉਪਰ ਚਰਚਾ ਦਾ ਵਿਸ਼ਾ ਬਣ ਜਾਂਦੇ ਹਨ ।
ਸਾਡੇ ਭਾਰਤ ਵਿੱਚ 28 ਰਾਜ ਸੂਬੇ ਵਿਕਾਸ ਕਰਦੇ ਹਨ , ਜਿਨ੍ਹਾਂ ਵਿਚੋਂ 10 ਸੂਬਿਆਂ ਦਾ ਮੁੱਖ ਕਿੱਤਾ ਕਿਸਾਨੀ ਹੈ । ਹੁਣ ਏ ਤੇ ਹੋ ਨਹੀਂ ਸਕਦਾ ਕਿ 10 ਦੇ 10 ਸੂਬਿਆਂ ਵਿੱਚ ਹੀ ਜੱਟ ਕਿਸਾਨੀ ਕਰਦਾ ਹੋਵੇ । 2019 ਦੀ ਰਿਪੋਸਟ ਅਨੁਸਾਰ ਭਾਰਤ ਵਿੱਚ 16.6M ( 16.6 ਕਰੋਡ਼ ) ਲੋਕ ਕਿਸਾਨੀ ਦਾ ਕੰਮ ਕਰਦੇ ਹਨ । ਤੇ ਜੋ ਕੇਵਲ ਇੱਕ ਜੱਟ ਜਾਤ ਤਾਂ ਹੋ ਨਹੀਂ ਸਕਦੀ। ਜੇਕਰ ਏ 16.6 ਕਰੋਡ਼ ਲੋਕ ਜੱਟ ਹਨ , ਤਾਂ ਫੇਰ ਭਾਰਤ ਦੇ ਬਾਕੀ ਜਾਤਾਂ ਦੇ ਲੋਕ ਕਿ ਕੰਮ ਕਰਦੇ ਹਨ । ਜੇ ਓਹੋ ਇਸ ਕਿਸਾਨੀ ਦੇ ਕਿੱਤੇ ਵਿੱਚ ਨਹੀਂ ਆਉਂਦੇ।
ਏ ਕਹਿਣਾ ਬਿਲਕੁਲ ਗਲਤ ਹੈ ਕਿ ਕੇਵਲ ਜੱਟ ਹੀ ਕਿਸਾਨੀ ਕਰਦਾ ਹੈ । ਜੱਟ ਜਾਤ ਤੋਂ ਇਲਾਵਾ ਸਾਡੇ ਦੇਸ਼ ਵਿੱਚ ਅਨੇਕਾਂ ਜਾਤਾਂ ਅਤੇ ਧਰਮਾਂ ਦੇ ਲੋਕ ਰਹਿੰਦੇ ਹਨ । ਜੋ ਜੱਟਾ ਦੇ ਵਾਂਗ ਹੀ ਕਿਸਾਨੀ ਦਾ ਕਿੱਤਾ ਕਰਦੇ ਹਨ ।
ਜੇਕਰ ਪੰਜਾਬ ਦੀ ਹੀ ਗੱਲ ਕੀਤੀ ਜਾਵੇ , ਤਾਂ ਪੰਜਾਬ ਵਿੱਚ 11.25 ਲੱਖ ਕਿਸਾਨ ਕਿਸਾਨੀ ਕਰਦਾ ਹੈ । ਜੋ ਕੇਵਲ ਜੱਟ ਨਹੀਂ ਹੋ ਸਕਦਾ । ਇਸ ਆਂਕੜੇ ਵਿੱਚ ਜੱਟ, ਖੱਤਰੀ , ਨਾਮਧਾਰੀ ਅਤੇ ਹੋਰ ਪਿਛੜੀਆਂ ਜਾਤਾਂ ਦੇ ਲੋਕ ਕਿਸਾਨੀ ਕਰਦੇ ਹਨ । ਜਿਨ੍ਹਾਂ ਦਾ ਆਕੜਾ ਜੱਟ ਜਾਤ ਤੋਂ ਵੱਧ ਹੈ ।
ਤਾਂ ਇਸ ਕਰਕੇ ਇਹ ਕਹਿਣਾ ਬਿਲਕੁਲ ਗਲਤ ਹੈ ਕਿ ਜੱਟ ਹੀ ਕੇਵਲ ਕਿਸਾਨੀ ਕਰਦਾ ਹੈ । ਅਤੇ ਜੋ ਗੀਤਕਾਰ ਜਾਂ ਸੰਗੀਤਕਾਰ ਕਿਸਾਨੀ ਉੱਤੇ ਗੀਤ ਗਾਉਂਦੇ ਹਨ , ਓਹੋ ਇਸ ਗੱਲ ਤਾਂ ਖ਼ਾਸ ਧਿਆਨ ਰੱਖਣ ਕਿ ਉਹਨਾਂ ਦੇ ਗੀਤਾਂ ਨਾਲ ਕਿਸੇ ਕਿਸਾਨ ਦੀ ਭਾਵਨਾ ਨੂੰ ਠੇਸ ਨਾ ਪਹੁੰਚੇ , ਕਿਉਕਿ ਐਵੇ ਦੇ ਗੀਤ ਕਿਸੇ ਲੜਾਈ ਦਾ ਰੂਪ ਧਾਰਨ ਕਰ ਸਕਦੇ ਹਨ ।
ਜਸਕੀਰਤ ਸਿੰਘ
ਮੋ:- 80544-98216
ਮੰਡੀ ਗੋਬਿੰਦਗੜ੍ਹ ( ਜ਼ਿਲ੍ਹਾ – ਫ਼ਤਹਿਗੜ੍ਹ ਸਾਹਿਬ )
