(ਸਮਾਜ ਵੀਕਲੀ)
ਕਰ ਗਏ ਨੇ ਜ਼ਖ਼ਮੀ ਜਿਹਨਾਂ ਨੂੰ ਸ਼ਿਕਾਰੀ ,
ਹੁਣ ਕਿਵੇਂ ਉਹ ਪੰਛੀ ਮਾਰਨਗੇ ਉਡਾਰੀ ।
ਏਨਾ ਖੁਸ਼ ਹੁੰਦੇ ਨੇ ਕਿਉਂ ਖਬਰੇ ਇਹ ਲੋਕੀਂ ,
ਆਪਣਿਆਂ ਉੱਤੇ ਚਲਾ ਕੇ ਨਫਰਤ ਦੀ ਆਰੀ ।
ਸੰਭਲੋ , ਨਾ ਦੇਸ਼ ਨੂੰ ਲੈ ਬੈਠੇ ਕਿਧਰੇ ,
ਵਧ ਰਹੀ ਇਹ ਦਿਨ-ਬ-ਦਿਨ ਫੁਟ ਦੀ ਬਿਮਾਰੀ ।
ਦੇਸ਼ ਵਿੱਚ ਚਾਹੁੰਦਾ ਸੀ ਖੁਸ਼ਹਾਲੀ ਉਹ ਤਾਂ ,
ਜਿਸ ਨੇ ਵਾਰੀ ਇਸ ਦੀ ਖ਼ਾਤਰ ਜਾਨ ਪਿਆਰੀ ।
ਆਪਣੇ ਤੇ ਬੇਗਾਨੇ ਤਦ ਪਰਖੇ ਨੇ ਜਾਂਦੇ ,
ਹਾਰ ਜਦ ਹੁੰਦੀ ਹੈ ਜੀਵਨ ਵਿੱਚ ਕਰਾਰੀ ।
ਇਹ ਵਸੇਗੀ ਤਾਂ ਹੀ ਲੋਕਾਂ ਦੇ ਮਨਾਂ ਵਿੱਚ ,
ਮਾਨ ਜੇ ਕਰ ਤੂੰ ਗ਼ਜ਼ਲ ਆਖੇਂਗਾ ਪਿਆਰੀ ।
ਮਹਿੰਦਰ ਸਿੰਘ ਮਾਨ
ਪਿੰਡ ਤੇ ਡਾਕ ਰੱਕੜਾਂ ਢਾਹਾ
(ਸ਼.ਭ.ਸ.ਨਗਰ)9915803554
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
