ਵਿਧਾਇਕ ਨਵਤੇਜ ਸਿੰਘ ਚੀਮਾ ਦੀ ਅਗਵਾਈ ਹੇਠ ਹੋ ਰਿਹਾ ਹੈ ਸਮੁੱਚਾ ਵਿਕਾਸ ਕਾਰਜ- ਸਰਪੰਚ ਰੁਪਿੰਦਰ ਕੌਰ
ਕਪੂਰਥਲਾ (ਸਮਾਜ ਵੀਕਲੀ) (ਕੌੜਾ)- ਆਰ ਸੀ ਐਫ ਸਾਹਮਣੇ ਵਸੇ ਬਾਬਾ ਦੀਪ ਸਿੰਘ ਨਗਰ ਵਿੱਚ ਪਿੰਡ ਦੇ ਸਰਪੰਚ ਸ਼੍ਰੀਮਤੀ ਰੁਪਿੰਦਰ ਕੌਰ ਪ੍ਰੇਰਨਾ ਨਾਲ ਸਤਨਾਮ ਸਿੰਘ ਵੱਲੋਂ ਪਿੰਡ ਦੀ ਪੰਚਾਇਤ ਘਰ ਬਣਾਉਣ ਲਈ ਜ਼ਮੀਨ ਦਾਨ ਕੀਤੀ ਗਈ । ਜਿਸ ਵਿੱਚ ਪਿੰਡ ਦੀ ਪੰਚਾਇਤ ਵੱਲੋਂ ਇਕ ਸਾਂਝੀ ਕਮੇਟੀ ਪ੍ਰਧਾਨ ਰਸ਼ਪਾਲ ਸਿੰਘ, ਸੈਕਟਰੀ ਐਮ ਪੀ ਸ਼ਰਮਾ, ਜਗੀਰ ਸਿੰਘ ਦੀ ਅਗਵਾਈ ਵਿੱਚ ਬਣਾਈ ਗਈ। ਜਿਸ ਨੇ ਵਿਧਾਇਕ ਨਵਤੇਜ ਸਿੰਘ ਚੀਮਾ ਦੇ ਹਲਕੇ ਵਿੱਚ ਕਰਾਏ ਜਾ ਰਹੇ ਵਿਕਾਸ ਕਾਰਜਾਂ ਦੇ ਤਹਿਤ ਪਿੰਡ ਦੀ ਪੰਚਾਇਤ ਘਰ ਲਈ ਆਈ ਗਰਾਂਟ ਵਿੱਚੋਂ ਇਸ ਜ਼ਮੀਨ ਤੇ ਬੋਰ ਕਰਵਾਇਆ ਗਿਆ। ਉਥੇ ਹੀ ਨਵੇਂ ਪੰਚਾਇਤ ਘਰ ਦੀ ਨੀਂਹ ਸਰਪੰਚ ਰੁਪਿੰਦਰ ਕੌਰ ਵੱਲੋਂ ਰੱਖੀ ਗਈ।
ਇਸ ਪੰਚਾਇਤ ਘਰ ਦੀ ਨੀਂਹ ਰੱਖਣ ਉਪਰੰਤ ਸਰਪੰਚ ਸ੍ਰੀਮਤੀ ਰੁਪਿੰਦਰ ਕੌਰ ਨੇ ਕਿਹਾ ਕਿ ਬਾਬਾ ਦੀਪ ਸਿੰਘ ਨਗਰ ਵਿੱਚ ਸਮੁੱਚਾ ਵਿਕਾਸ ਬਿਨਾਂ ਭੇਦਭਾਵ ਦੇ ਕਰਵਾ ਰਹੇ ਹਨ।ਇਸੇ ਲੜੀ ਤਹਿਤ ਵਿਧਾਇਕ ਨਵਤੇਜ ਸਿੰਘ ਚੀਮਾ ਵੱਲੋਂ ਮਿਲੀ ਅਗਵਾਈ ਤੇ ਰਮਨਦੀਪ ਕੌਰ ਪੰਚ, ਦਵਿੰਦਰਪਾਲ ਕੌਰ ਪੰਚ, ਕੁਲਦੀਪ ਸਿੰਘ ਪੰਚ ,ਪ੍ਰਧਾਨ ਹਰਮਿੰਦਰ ਸਿੰਘ ਰਾਜੂ ,ਤਾਲਿਬ ਮੁਹੰਮਦ, ਬਲਬੀਰ ਮਲਿਕ ,ਜੀ ਪੀ ਐੱਸ ਚੌਹਾਨ, ਅਮਰੀਕ ਸਿੰਘ, ਜੀਤ ਸਿੰਘ ,ਨਰਿੰਦਰ ਸਿੰਘ, ਰਣਦੀਪ ਸਿੰਘ, ਐਚ ਪੀ ਸਿੰਘ ,ਚਮਨ ਲਾਲ, ਆਰ ਪੀ ਬੱਧਣ, ਸਤਪਾਲ ਅਤੇ ਹੋਰ ਵੱਲੋਂ ਮਿਲੇ ਸਹਿਯੋਗ ਨਾਲ ਉਕਤ ਪੰਚਾਇਤ ਘਰ ਦੀ ਇਕ ਸੁੰਦਰ ਇਮਾਰਤ ਤਿਆਰ ਹੋਵੇਗੀ । ਸਰਪੰਚ ਸ੍ਰੀਮਤੀ ਰੁਪਿੰਦਰ ਕੌਰ ਨੇ ਇਸ ਸਹਿਯੋਗ ਲਈ ਵਿਧਾਇਕ ਨਵਤੇਜ ਸਿੰਘ ਚੀਮਾ ਤੇ ਬੀਡੀਪੀਓ ਕਪੂਰਥਲਾ ਦਾ ਵਿਸ਼ੇਸ਼ ਧੰਨਵਾਦ ਵੀ ਕੀਤਾ ।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
